එම ප‍්‍රකාශය කරන අවස්ථාවේදී ගෝඨාභය රාජපක්‍ෂ මහතා ඒ අසල සිට ඇතත්, ඔහු ජනාධිපතිවරයාගේ ප‍්‍රකාශයට කිසිදු අනුකූලතාවයක් නොදක්වා අවඥාවෙන් යුතුව ඉවත බලාගෙන ඇත.
ෆොන්සේකා මහතා නිදහස් කිරීමේ තීරණයට ජනාධිපතිවරයා, ගෝඨාභය රාජපක්‍ෂ මහතා නිහඬකරවාගෙන ඇත්තේ, ෆොන්සේකාව අවමානයට ලක්කොට, අමතක නොවන පාඩමක් උගන්වන බව පවසමිනි. වැඬේ අවසන් වන තෙක් නිහඬව ඉන්නැයි ජනාධිපතිවරයා ඔහුගෙන් ඉල්ලා තිබේ.
තමන්ගේ සමීපතම හිතවතෙකු වන දෙරණ මාධ්‍ය ආයතනය අධිපති දිලිත් ජයවීර මහතා, ෆොන්සේකා මහතා නිදහස් කරන බවට වූ ප‍්‍රවෘත්තිවලට පුළුල් ප‍්‍රචාරයක් ලබා දීමට ආරක්‍ෂක ලේකම්වරයාගේ නොසතුට හේතු වී ඇතැයි වාර්තා වේ. ජාතික ආරක්‍ෂාව පිළිබඳ මාධ්‍ය මධ්‍යස්ථානයේ ජ්‍යෙෂ්ඨ නිලධාරියෙකු දිලිත් ජයවීර මහතාගේ දෙබිඩි චරිතය පසුගියදා ආරක්‍ෂක ලේකම්වරයාට පැහැදිලි කර දී ඇත. පසුගිය ජනාධිපතිවරණයේදී මහින්ද රාජපක්‍ෂ මහතාගේ ප‍්‍රචාරක කටයුතු සම්බන්ධයෙන් විශාල වගකීමක් දැරූ දිලිත් ජයවීර මහතා, තීරණාත්මක අවස්ථාවේදී බිරිඳට අසාධ්‍ය බව කියමින් සිංගප්පූරුවට පලා ගියේ ෆොන්සේකා මහතා සමඟ ඇති කර ගත් එකඟතාවයෙන් බව තහවුරු වී ඇතැයි එම නිලධාරියා ආරක්‍ෂක ලේකම්වරයා අවධාරණය කර ඇත.
Source - lankanewsweb.com
