මෙතෙක් පැවති සම්ප්‍රදායට අනුව ආණ්ඩුවේ මැයිදින පෙළපාලියේ මුලින්ම එක්සත් ජනතා නිදහස් සන්ධාන බැනරය යටතේ සන්ධානයේ නායකයින් ගමන් කිරීමවත්, අනතුරුව සන්ධානයේ ප්‍රධාන පක්ෂයවන ශ්‍රී ලංකා නිදහස් පක්යේ බැනරය යටතේ ශ්‍රීලනිප මහලේකම්වරයා ඇතුලූ ප්‍රධාන නිලධාරීන් ගමන් කිරීමත් සිදු විය. එහෙත් ජනාධිපතිවරයාගේ උපදෙස් මත කියමින් යැයි කියමින් පෙළපාලි ගමන් ලැයිස්තුවේ නිල් බලකායට පෙරට ගැනීම පිළිබඳව විරෝධය පළකරමින් එම පක්ෂයේ මහලේකම් මෛත්‍රිපාල සිරිසේන අමාත්‍යවරයා පක්ෂ බැනරය යටතේ ගමන් කිරීම ප්‍රතික්ෂේප කර තිබේ. පෙළපාලිය ආරම්භයේදී එයට සහභාගි නොවූ ශ්‍රීලනිප මහලේකම්වරයා බොරැල්ල කැම්බල් පිටියේ සිට පෙළපාලිය සංවිධානය කරනු ලැබීය. ශ්‍රීලනිප බැනරය යටතේ පෙළපාලියට එක්වන ලෙස සංවිධායකයින් කිහිපවරක් දැනුම් දෙනු ලැබුවද ඔහු එය මායිම් කොට නැත.
ආණ්ඩුවේ මැතිඇමතිවරු තම තමන්ගේ බලය ප්‍රදර්ශන කරමින් ඔවුන්ගේ ආසන සංවිධාන බැනර් යටතේ පෙළපාලියට සහභාගි වීය. වෙනදා පැවැති මැයි දින පෙළපාලි වලදී ජනාධිපතිවරයාගේ දැවැන්ත කටඅවුට් සහ ප්‍රදර්ශන රථ ගෙන ගිය ඇමතිවරු මෙවර තම තමන්ගේ ප්‍රතිරූප ඉස්මතුවන ආකාරයනේ කටයුතු කර තිබීම කැපී පෙනන ලක්ෂණයක් විය.
Source - lankanewsweb.com
