ශ්‍රී ලංකා ආයෝජන මණ්ඩලය කොට උඩ

ශ්‍රී ලංකා ආයෝජන මණ්ඩලය අධ්‍යක්ෂ මණ්ඩල සාමාජිකයින්ගේ නිල කාලය පසුගිය මැයි 31වනදා අවසන්ව ඇති නමුත් මෙතෙක් ඒ සඳහා කිසිවකු පත් නොකිරීම තුළ එම ආයතනයේ එදිනෙදා වැඩකටයුතු පවා අඩපන වී ඇතැයි වාර්තාවේ.

ආයෝජන මණ්ඩලයේ අධ්‍යක්ෂක මණ්ඩලයේ සාමාජිකයන් පස්දෙනෙකු වන අතර එහි සභාපතිව සිටි ජයන්පති බණ්ඩාරනායක මහතා දේශපාලන බලපෑම්වලට විරෝධය පළ කරමින් මීට මාස කිහිපයකදී ඉල්ලා අස්විය. ඉන් අනතුරුව වැඩබලන සභාපතිවරයා ලෙස පත්කරුනු ලැබුවේ විදුලිබල අමාත්‍යාංශයේ ලේකම් එම්.සී. ෆඩිනැන්ඩෝ මහතාය. රාජ්‍ය සේවය තුළ මේවනවිට සිටින දුෂිතම නිලධාරියෙකු ලෙස සුප්‍රකට මොහුව එම තනතුර සඳහා ජනාධිපතිවරයා නිර්දේශ කරනු ලැබුවේ මුදල් අමාත්‍යාංශයේ ලේකම් ආචාර්ය පී.බී. ජයසුන්දර මහතාය.

කෙසේ වුවද පසුගිය මාස කිහිපය තුළ කිසිදු විදේස් ආයෝජනයක් මෙරටට ගෙන ඒමට ආයෝජන මණ්ලඩය අපොහොසත් වී ඇති බැවින්, එහි අධ්‍යක්ෂක මණ්ඩල සාමාජිකයන්ගේ කාලය තවදුරටත් දීර්ඝ නොකිරීමට ජනාධිපතිවරයා තීරණය කර ඇත.

Source - lankanewsweb.com