පසුගිය නොවැම්බර් 27 වනදා සිදු වූ ගෑස් කාන්දුවක් නිසා එම බලාගාරයේ ගින්නක්ද හට ගැනිනි. දිනකට මෙගා වොට් 300 ක විදුලි ධාරාවක් සැපයූ මෙම බලාගාරය අකී‍්‍රය වීම නිසා විදුලි මණ්ඩලයේ පාඩුව දිනකට රුපියල් ලක්‍ෂ 80 ක් බව විෂය භාර අමාත්‍ය චම්පික රණවක මහතාද පසුගියදා පවසා තිබිණි.
පළමු අදියරේ තාක්‍ෂණික දෝෂ සම්බන්ධයෙන් අමාත්‍යංශ බලධාරීන් චීන සමාගමට චෝදනා කරමින් සිටින අතර, මෙම ගැටලූවට මූලික හේතුව යල් පැනගිය තාක්‍ෂණය බව මේ වනවිට තහවුරු වී ඇත. මෙම පැරණි උපකරණ යොදා ගැනීම හේතුවෙන් ගල්අගුරු දහනයේදී පරිසරයට මුදා හැරෙන දූවිලි අංශු උරා ගැනීම සඳහා ඇති උපකරණ අකී‍්‍රය වී තිබේ. මේ හේතුවෙන් දැඩි පාරිසරික හානියක් සිදු වෙමින් පවතින අතර, සේවකයින්ගේ හා ප‍්‍රදේශවාසීන්ගේ සෞඛ්‍ය තත්ත්වයද දැඩි තර්ජනයකට ලක් වී ඇත.
Source - lankanewsweb.com
