එහිදී ඔහු වැඩිදුරටත් ප්‍රකාශ කර තිඛෙන්නේ කිසිවෙකුගේ හෝ බල පෑමකට යටත් නොවී තව දුරටත් රට ඉදිරියට ගෙනයාමට ශ්‍රී ලංකා ආණ්ඩුවට ඉන් ශක්තිය ලැඛෙන බවය.
එක්සත් ජතීන්ගේ මානව හිමිකම් කවුන්සලයේදී ශ්‍රී ලංකාවේ උගත් පාඩම් හා සංහිඳියා කොමිසමේ යෝජනා ක්‍රියාත්මක කරන ලෙසත්, පසුගිය මානව හිමිකම් කඩවීම් පිළිබඳ ස්වාධීන පරීක්ෂණයක් ආරම්භ කරන ලෙසත් බලකරමින් ඇමරිකාව ගෙන ආ යෝජනාව ශ්‍රී ලංකා රාජ්‍යයට එරෙහි යෝනාවක් නොවන බවත් පුන පුනා කියා තිබියදී එය ශ්‍රී ලංකා රාජ්‍යට එරෙහි යෝජනාවක් ලෙස හුවා දක්වමින් ශ්‍රී ලංකාවේ මානව හිමිකම් ක්‍රියාධරයන්ට හා මාධ්‍යවේදීන් පතුරු ගසමින්, ජනතාව උසි ගස්වමින්, පිරිත් කියමින්, අධිෂAඨාන පූජා පවත්වමින් කරන ලද මාධ්‍ය සංදර්ශනත්, ආරක්ෂක ලේකම්වරයාගේ ඉහත ප්‍රකාශයත් අතර ඇති සම්බන්ධය කුමක්ද? යන්න සියුම්ව විමසා බැලිය යුතුය.
ඒ අනුව පසුගිය කාලයේ අතුරුදහන් වූයේත්ල කුඩා දරුවාගේ සිට මහල්ලා දක්වා යුද්ධයේදී මිය ගියේත්ල පඩි වැඩි කරන ලෙස හෝ තෙල් මිල අඩු කරන ලෙස ඉල්ලා කරන ලද උද්ඝෝෂණ වලදී මිය ගියේත් ත්‍රස්තවාදීන්යග තවද ඉදිරියේදී මරා රෙජීමයට විරුද්ධ වන්නන් අතුරුදහන් කරනු හෝ මරා දමනු ඇතග ඒ සියළු දෙනා ත්‍රස්තවාදීන්යග ත්‍රස්තවාදීන් මිය යාම පිළිබඳ පරීක්ෂණ අවශ්‍ය නැතග මෙය ආරක්ෂක ලේකම් වරයා ඇතුළු මරා රෙජීමයේ අදහස හා වැඩපිළිවෙලයිග ඔහු කියන්නේ මේ ටික දිගටම කර ගෙන යා හැකි බවක්දරෑ එසේ නම් ලංකාවට දෙයියන්ගේම පිහිටයි.
එමෙන්ම ඔවුන්ගේ මෙම අදහස තහවුරු වන තවත් කාරනයක් තිබේ. ඉහත කී යෝජනාව අපගේ රටට එරෙහි යෝජනාවක් ලෙසත්, එය සම්මත වූවහෝ භයානක ප්‍රතිඵල අත් විදීමට සිදු වන බවටත් බිල්ලෙක් මැවීමේ කොන්ත්‍රාත්තුව භාරදී තිබුණේ විමල් වීරවංශ වැනි මන්දබුද්ධික දේශපාලකයන්ටය. එවැන්නවුන් පසුගිය කාලය පුරාවටම කළේ ජාති ආලය මවා පාමින් සිංහල ජනතාව ගොනාට ඇන්දවීමය. ජනතාව ගොනාට අන්දා පාරට ගෙන ඒමෙන් තෙල් මිලේ ප්‍රශ්න යටපත් කර ගත හැක. විදුලි බිල හා බඩු මිල හා බස් ගාස්තු තවදුරටත් වැඩි කළ හැක. මානව හිමිකම් මරා ගෙන කා හැක. විමල් වීරවංශ වැනි මෝඩයන් සමග ජනතාව චූන් වූ පසු ඒ වා ජනතාවට ප්‍රශ්නයක් නොවේ. එනිසා මරා රෙජීමයට කරගෙන ආ වැඩ ටික එලෙසම කරගෙන යා හැක.
අද දින එක්සත් ජතීන්ගේ මානව හිමිකම් කවුන්සලයේ ඡන්ද විමසීමෙන් ශ්‍රී ලංකා ආණ්ඩුව පරාජය වීමෙන් පසු ආණ්ඩුවේ මැති ඇමති වරුන් පාර්ලිමෙන්තුවෙන් එළියට බැස විරෝධතාවයක් පවත්වන ලදී එකී විරෝධතාවයේ ඡායාරූප දෙකක් පහතින් දිස්වේ එකී ඡායාරූප දෙස හොදින් බැලූව හොත් අපට තේරුම් යන්නේ කුමක්ද? ආණ්ඩුව පැවසූයේ මෙය රාජ්‍ය විරෝධී යෝජනාවක් ලෙසයි. එසේ නම් එය තදින්ම දැනෙන්නේ පාර්ලිමෙන්තු නියෝජිත වරුන්ටය. නමුත් එවැනි දැවැන්ත අභියෝගයක් දැනුන බවක් මෙම ඡායාරූපයෙන් ඔබට දැක ගත හැකිද? නැත ඔවුන්ට මෙය ඔවුන්ට මෙය විහිළුවකි මන්ද දැන් ජනතාව චූන් වී ඇත එහෙයින් දේශමාමකත්වය හේතු කොට ගෙන ජනතාව ඔවුන්ට නැවත වරක් බලය දෙනු ඇත.
පහත ඡායාරූපයෙන් පෙනේනේ නියම මිනීමරුවාය. මිනීමරුවා ඉදිරියෙන්ම සිටී ඒ කරුණා අම්මාන්ය. උගත් පාඩම් හා සංහිඳියා කොමිසමේ වාර්තාවෙන් ඔහුට සෘජුවම චෝදනා එල්ල වී තිබේ. අනෙකා මෙතන නැත මන්ද ඒ වන විට ඔහු සිටියේ ජිනීවා කවුන්සිලයේය. ඔහු ඩග්ලස් දේවානන්දය. මෙය නම් මිනීමරුවෙකු යුක්තිය පසිදලීම සඳහා විනිශ්ච කාරවරයෙකු ලෙස පත් කළා හා සමානය. ඔවුන් අද රටේ ස්වෛරී භාවය ගැන කෑ ගසන්නේ දහස් ගනන් මීන් මැරීමෙන් පසුවය. අද ඔවුන් මිනීමරුවන්ද, ත්‍රස්තවාදීන්ද නොවේ. ඔවුන් මරා රෙජීමයේ සුවච කීකරු ගෝලයන්ය.
මෙම විරෝධතාවයේ හඩ පට ඔබ නැරඹුවානම් තවත් දෙයක් තහවුරු කර ගත හැක. එහිදී කිය වුනු ප්‍රධාන සටන් පාඨය වූයේ විපක්ෂයට රට පාවා නොදෙන ලෙසයි. ඔවුන් අද කෑ ගැසුවේ ඇමරිකාවට එරෙහිව නොව විපක්ෂයට එරෙහිවයි. එයින් කියවෙන්නේද? දැන් ඡන්දයෙන් පැරදී හමාරය දැන් ඇමරිකාවට එරෙහි වීමෙන් වැඩක් නැත. තව දුරටත් රට තුළ තම බලය තබා ගැනීමට නම් විපක්ෂයේ රට පවා දීමට එරෙහිව ජනතාව චූන් කළ යුතුය.
බැරි වෙලාවක වත් අද දින රජය මෙම යෝජනාව ජය ගත්තේ නම් හෙට දින සිදුවන්නේ කුමක්ද? අධිරාජ්‍ය අභියෝග හමුවේ නොසැලූණු ආඩම්බර ජාතියේ නායකයා මැයෙන් කටවුට් රට පුරා එල්ලනු ඇත. පාරවලූ පුරා කිරිබත් දන්සල් තිඛෙනු ඇත. ජාතික ධජ එල්ලනු ඇත. විමල් වීරවංශ පෙප්සි කෝලා, කොකා කෝලා, ගූගල් ජීම්ල්, මැක්ඩෙනල්ඩ් රට තුළ තහනම් කිරීමේ යෝජනාවක් පාර්ලිමේන්තුවට ගෙනෙනු ඇත. ඒ්වායෙන්ද ජනතාව චූන් වනු ඇත. ශ්‍රී ලංකාවේ ජනතාව නිතරම චූන් එකේ සිටී නම් මහින්දට එය හොදටම ප්‍රමාණවත්ය.
එසේනම් මේ සියල්ල හමුවේ ආණ්ඩුවේ වුවමනාව ජයග්‍රහනය කළේද?
Source - lankanewsweb.com
