චෝදනා 41 ක් යටතේ නීතිපති දෙපාර්තමේන්තුව විසින් මහාධිකරණය හමුවේ මෙම නඩුව පවරා ඇත. එම නඩුව මේ වන විටත් මහාධිකරණයේ විභාග වෙමින් පවතින අතර, ලබන 07 වන බ‍්‍රහස්පතින්දා යළි එය විභාගයට ගැනීමට නියමිතය. එම අවස්ථාවේදී වරද පිළිගන්නේ නම් සේනක ද සිල්වා මහතාගේ ව්‍යාපාරික කටයුතු සඳහා ආධාර උපකාර කිරීමටත්, විදේශ ගමන් බලපත‍්‍රය වහාම යළි ලබාදීමටත් ආරක්‍ෂක අමාත්‍යංශයේ නිලධාරියා ඔහුට පොරොන්දු වී තිබේ.
එම චෝදනා යටතේ නඩු පවරා ඇති ප‍්‍රධාන විත්තිකාර සරත් ෆොන්සේකා මහතාටද පසුගිය 18 වනදා ඇප ලැබිණ.
ෆොන්සේකා මහතාට එරෙහි සියලූ නඩු ඉල්ලා අස් කර ගන්නා බවට ජනාධිපතිවරයා, ටිරාන් අලස් මන්තී‍්‍රවරයාට පොරොන්දු වී තිබුණද, එය මෙතෙක් ඉටු කර නැතැයි ප‍්‍රජාතන්ත‍්‍රවාදී පක්‍ෂයේ කි‍්‍රයාකාරිකයෙකු අප වෙත පැවසීය. ඒ අනුව යුද සෙබළුන් 10 දෙනෙකු බලහත්කාරයෙන් රඳවා ගැනීමේ නඩුවත්, ෆොන්සේකා මහතාගේ බෑණා වන ධනුක තිලකරත්න මහතාගේ මෑණියන්ට එරෙහිව පවරා ඇති නඩුවත් මෙතෙක් ඉල්ලා අස් කරගෙන නොමැත.
Source - lankanewsweb.com
