මහබැංකු අධිපතිවරයා මෙසේ කටයුතු කොට ඇත්තේ ජනාධිපතිවරයාගේ රහස්‍ය මුල්‍ය උපදේශක සජින් වාස් ගුණවර්ධන මහතාට ‘ලංකා ඔරික්ස් ලීසිං’ (LOLC) සමාගම මගින් ලබාදී ඇති රුපියල් බිලියන 2 කට අධික ණය මුදල හේතු කොටගෙනය.
රුපියල් බිලියන 4 ක පමණ ප‍්‍රාග්ධන නිකුතුවක් ඇති ‘ලංකා ඔරික්ස් ලීසිං’ (LOLC) සමාගමට ඕනෑම ගණුදෙනුකරුවෙකුට ණයදිය හැක්කේ එම ප‍්‍රාග්ධන නිකුතුවෙන් 15%ක උපරිමයකට යටත්වය. නමුත් ඛධඛක්‍ සමාගම මේ වනවිට සජින් වාස් ගුණවර්ධන මහතාට එම උපරිමය 50% දක්වා ඉහළට ගෙනයමින් ණය ප‍්‍රධානය කොට තිබේ.
මෙම තත්ත්වය මහබැංකුව විසින් පවත්වාගෙන යන මූල්‍ය ප‍්‍රතිපත්තියට සම්පූර්ණයෙන්ම පටහැනි අතර නමුත් ඒ සඳහා සිය අභිමතය පරිදි කටයුතු කිරීමට අවසර දී ඇත්තේ මහබැංකු අධිපතිවරයා විසිනි. මහබැංකු අධිපතිවරයා මෙසේ ජනාධිපතිවරයාගේ රහස්‍ය මූල්‍ය උපදේශකවරයාට අසීමිතව ණය ලබාදීමේ මූලික අරමුණ තම මහබැංකු අධිපති තනතුර ආරක්ෂා කරගැනීම බව ශ‍්‍රී ලංකා මූල්‍ය ක්ෂේත‍්‍රයේ ප‍්‍රවීනයන්ගේ මතයයි.
පසුගිය වසරේ ජූනි මාසය වනවිට ශ‍්‍රී ලංකාව සතුව තිබූ ඩොලර් බිලියන 9ක විදේශ සංචිත වසරේ අවසානබාගය වනවිට ඩොලර් බිලියන 2.5 කින් පහළට ඇදදමමින් මහබැංකු අධිපතිවරයා ශ‍්‍රී ලංකාවේ විදේශ විනිමය අනුපාතිකය කෘත‍්‍රිමව පාලනය කිරීම මගින් ඊයේ වනවිට ඩොලරය රුපියල් 120 දක්වා ඉහළ නැග තිබිණ.
Source - lankanewsweb.com
