වැල්ලෑගල විහාරයේ අභිරහස් ආලෝකය අපවත්වූ හිමි නමකගේ

වලගම්බා රජු විසින් ඉදිකරුණු ලැබූ වැල්ලෑගල පුරාණ රජ මහා විහාරයේ නිධානයක් ගැනීමට පැමිණි හොරුන්ට නිධානය ගැනීමට නොහැකිවීමෙන් පසු පොලීසිය ගත් ජායාරූපයක අමුතු ආලෝකයක් සටහන් වීම පිළිබඳව ලිපියක් මීට පෙර ඔබට ඉදිරිපත් කළා.

එම ආලෝක සලකුණ මීට පෙර එම විහාරයේ අපවත් වූ භික්ෂුන්වහන්සේ නමකගේ බවයි පැවසෙන්නේ. උන්වහන්සේ කලක් තිස්සේ මෙම විහාරයේ වැඩ වාසය කල බවත් පුස් කොළ පොත් ආදිය පරිශීලනය කල උගත් සිල්වත් හිමි නමක් බවත් පැවසෙනවා.
මේ බව පවසන්නේ මෙවන් අද්භූත දේ පිළිබඳව වසර දෙකකට වඩා කාලයක් ඉතා වෙහෙස මහන්සියෙන් පර්යේෂණ වල නිරත වන කෙනෙකි. ඔහු නැගෙනහිර පලාත් සභාවේ සම්බන්ධිකරණ ලේකම් ආචාර්ය අනූජ ජයසිංහ මහතාය. ඔහු වසර දහයකට වැඩි කාලයක් මෙම විහාරස්ථානය සමඟත් එහි ඇති සූනියම් දේවාලය සමඟත් තදබල ලෙස සම්බන්ධකම් පැවැත්වූ අයෙකි.

ඔහු මේ පිළිබඳව පවසන්නේ මෙවැන්නක්.

"මම මේ ජායාරූපය හොඳට නිරීක්ෂනය කළා. එම ජායාරූපයේ ආලෝකය අපවත්වූ හිමි නමකගේ. උන්වහන්සේ මේ විහාරස්ථානයේ කලක් තිස්සේම වැඩ වාසය කලා. පුස් කොළ පොත්පත් ආදිය පරිශීලනය කළ උගත් සිල්වත් හිමිනමක්. උන්වහන්සේ අපවත්වීමෙන් පසු විහාරස්ථානයේ සැරිසරන බව කිව හැකියි.

නිදන් කොල්ලය ගැන පොලීසිය විසින් ගන්නා ලද එම ජායාරූපයේ සටහන් එම ආලෝකය උන්වහන්සේගේ බව ස්ථිරවම පැවසිය හැකියි. උන්වහන්සේ අකුරු පහකින් සමන්විත නමකින් හැඳින්වෙන භික්ෂු නමක්.

අනෙක මෙම විහාරස්ථානයේ වැඩ වාසය කළ මීට පෙර අපවත්වූ තවත් භික්ෂූන් වහන්සේලා දෙනමකගේද මෙවන් අන්දමේ ආලෝක සලකුණු මෙම විහාරස්ථානයේ තිබෙන්නට ඕනේ. ඒවා පොලීසියේ ජායාරූප වල සටහන් වී නැහැ.

නිධන් කොල්ලකරුවන්ට මෙම විහාරස්ථානයෙන් කිසිවන් රැගෙන යාමට නොහැකි වී ඇත්තේ එම භික්ෂූන් වහන්සේලා මෙම විහාරස්ථනාය් ආරක්ෂා කරන නිසයි. අනිවාර්යෙන්ම එහි පැමිණි නිදන් කොල්ලකරුවන් බියට පත්වී ඇති බව කිව හැකියි"

මීට පෙර අට වතාවක් නිදන් හොරුන් මෙම විහාරස්ථානයට නිදන් ගැනීමට පැමින ඇති අතර නමුත් කිසිම අවස්ථාව්කදී අවුන්ට කිසිවක් රැගෙන යාමට හැකිවී නැහැ.

වැල්ලෑගල රජමහා විහාරය "කබල්ලෑලෙන පුරාණ රජමහා විහාරය" ලෙසද හඳුන්වනවා. එම නම ලැබී තිබෙන්නේ මෙලෙසිනි.

ඈත අතීතයේ සිටම වැල්ලෑගල පුරාණ රජමහා විහාරයේ ගල්ලෙනක් තිබී ඇති අතර එම ලෙනේ නොනිමෙන පහනක් දැල්වූ බව පැරැන්නෝ පවසති.

කබලක් රැගෙන රාත්‍රියේ ගම් වල සැරිසරන සූනියම් දේවරාජයා එම පහන පසෙක තබා ගිමන් හරින ස්ථානයක් හැටියට මෙම ගල් ලෙන ප්‍රසිද්ධියට පත්ව ඇති අතර එම කබල පසෙක ලූ තැන නිසා එම ලෙන "කබල ලෑ ලෙන" ලෙසත් පසුව ජනවහරේ පහසුව පිණිස "කබල්ලෑලෙන" ලෙසත් ව්‍යවහාරයට පැමිණ ඇතැයිද කියනු ලැබේ.

මේ බව සඳහන් වූ රිවිර පුවත්පතේ සම්පූර්ණ ලිපිය මෙතනින්.





Source: http://www.gossip9.com/2012/02/blog-post_176.html#ixzz1ntxNcZY1