තමන්ට තවදුරටත් මෙම තනතුරේ කටයුතු කිරීමේ නොහැකි තත්ත්වයක් උදා වී ඇති බවත්, ජනාධිපතිවරයා වටා සිටින ජාවාරම්කරුවන් කීහිපදෙනෙක්ම මුදල් අමාත්‍යාංශයේ තීන්දු තීරණ හා වැඩ සටහන්වලට අනවශ්‍ය පරිදි ඇඟිලි ගසබවත්, එම තත්ත්වය යටතේ සමස්ත ආර්ථීකයම කඩා වැටීමේ අනතුරක් පවතින බවත් පී.බී. ජයසුන්දර මහතා පවසා තිබේ. ජනාධිපතිවරයා වටා සිටින එම ජාවාරම්කරුවන් පිරිස ඔහු විසින් හඳුන්වා ඇත්තේ 'ආර්ථීක ඝාතක'යින් ලෙසිනි.
ජයසුන්දර මහතා එම කාරණා සඳහන් කොට ඇත්තේ හිටපු ජනාධිපති ලේකම්වරයකුවන මනෝ තිත්තවැල්ල මහතා සමඟ පසුගියදා සුහද කතාබහක යෙදී සිටියදීය.
මෙලෙස පොලිස්පතිවරයාද තමන්ට ඉල්ලා අස්වීමට අනුමැතිය ලබා දෙන ලෙස ආරක්ෂක ලේකම් ගෝඨාභය රාජපක්ෂ මහතාගෙන් ඉල්ලා ඇතත්, ආරක්ෂක ලේකම්වරයා එම ඉල්ලීම තරයේ ප්‍රතික්ෂේප කර තිබේ. විලච්චියේ නිධන් කොල්ලයට තමන්ගේ නම ද ඈදීම පිළිබඳව පොලිස්පතිවරයා මේ වනවිට දැඩි ලෙස කලකිරීමට පත්වී සිටී. එම සිද්ධිය සම්බන්ධයෙන් ආරක්ෂක ලේකම්ගේ නියෝගය මත පොලිස්පතිවරයා නිවේදනයක් නිකුත් කිරීම හත්පොලේ ගා ගැනීමක් බව පොලිස්පතිවරයාගේ හිතවතුන් කිහිපදෙනෙකු ඔහුට පවසා ඇත.
Source - lankanewsweb.com
