කෙසේ වුවද, ජෙනරාල්වරයාට කොන්දේසි විරහිත සමාවක් ලබාදෙන ලෙස එක්සත් ජාතික පක්‍ෂය මෙන්ම, ජනතා විමුක්ති පෙරමුණද මේ වන විට ජනාධිපතිවරයාට බලපෑම් කර සිටී.
අධිකරණ ක්‍ෂෙත‍්‍රයේ නව ප‍්‍රවණතාවයත්, ජාත්‍යන්තරයෙන් එල්ල වන විරෝධයත් හේතුවෙන් ජෙනරාල් නිදහස් කිරීමට ජනාධිපතිවරයා කටයුතු කරමින් සිටින අතර, ඔහු ඒ සම්බන්ධයෙන් පසුගිය 16 වනදා රාති‍්‍රයේ අනෝමා ෆොන්සේකා මහත්මිය සමගද සාකච්ඡා පැවැත්වීය.
සාකච්ඡාවක් සඳහා අරලියගහ මැදුරට පැමිණෙන ලෙස ජනාධිපතිවරයාගෙන් ආරාධනාවක් ලැබුණද, තම පවුලේ උදවිය එය ප‍්‍රතික්‍ෂේප කළ නිසා ඒ සඳහා ටිරාන් අලස් මහතාගේ නිවස තෝරා ගත් බවද ඇය කියා සිටී. ෆොන්සේකා මහතා වෙනුවෙන් ඉදිරියේදී ආරක්‍ෂාව සලසා දෙන මෙන් තමා ඉල්ලූ බවද ආරක්‍ෂාව සඳහා පිරිස් ලබාදෙන බවට ජනාධිපතිවරයා පොරොන්දු වු බවද ඇය වැඩිදුරටත් කියා සිටී.
මැයි 19 වනදා ගාලූ මුවදොර පිටියේ පැවැත්වෙක ‘විජයග‍්‍රහණ සැමරුමේදී’ ෆොන්සේකා මහතා නිදහස් කිරීමේ පණිවිඩය ප‍්‍රකාශයට පත් කිරීමට නියමිත බව රජයේ ආරංචි මාර්ග සඳහන් කරයි. පසුගිය මැයි 16 වනදා රාති‍්‍රයේ ජනාධිපතිවරයා හා අනෝමා ෆොන්සේකා මහත්මිය අතර පැවැති සාකච්ඡාවේදී ඒ පිළිබඳව ඉඟි පළ වී ඇතැයිද වාර්තා වේ.
Source - lankanewsweb.com
