මේ රාජපක්ෂ ආණ්ඩුවට එරෙහි වන පිරිස් පැහැදිලිවම අලූත් වෙමින් ඇත. සිවිල් යුද්ධය දිනා ගැනීමෙන් පසු ප්‍රජාතන්ත්‍රවාදය හා සංවර්ධනය ලබා ගත හැකි යැයි සිතා, ආණ්ඩුව දියත් කළ යුද්ධය වෙනුවෙන් ඕනෑම නීති විරෝධී කි්‍රයාවක්, මර්දන කි්‍රයාවලියක් හා මහා දූෂණ වංචාවන් දැනුවත්ව ඉවසූ පිරිස් සමහරකට අමතරව, සාමාන්‍ය ජනතාවගේ ඇතැම් කොටස් ආණ්ඩුව හා උරණ වෙමින් සිටිති.
නගරයේ පහළ ආදායම්ලාභීන් සහ ග්‍රාමීය සමාජයේ පහළ මැද පංතික කොටස් ඔවුන් ගේ දෛනික වියදම් විඳ දරා ගැනීමට ඇති අපහසුව හමුවේ, රාජපක්ෂ ආණ්ඩුව හා විරෝධයන් අවුලූවා ගන්නේ ය. මේ අතර, උතුරු නැගෙනහිර දෙපළාතෙන් පිට ද, සු`ඵ වාර්ගික හා ආගමික ජනතාවගේ මූලික අයිතීන් නොතකා හැසිරීමෙන් ආණ්ඩුව තවත් ජන කොටස් තරහ කර ගෙන ඇත.
