රෝහිත බෝගොල්ලාගම විදේශ ඇමතිවරයාව සිටියදී සිදුකල මෙහෙවර අගයා ඇති ජනාධිපතිවරයා, ඔහු සිටියදී තමාට යුරෝපයේ සංචාරය කිරීමට කිසිදු බාධාවක් නොතිබූ බවත්, මේ වනවිට තමාට අඩුමතරමින් ජනාධිපති ආර්්‍යාව සමග වතිකානුවට හෝ යෑමට නොහැකි තත්ත්වයක් උදාවී ඇතැයි ජී.එල්. ඇමතිවරයාට චෝදනා කර තිබේ.
බෝගොල්ලාගම සිටි වකවානුවේදී ප‍්‍රංශය තුල ක‍්‍රියාත්මක වූ එල්.ටී.ටී.ඊ ක‍්‍රියාකාරිකයින් 14දෙනෙකු බන්ධනාගාරගත කිරීමට එවකට තානාපතිව සිටි චිත‍්‍රාංගනී වාකිෂ්ඨට හැකි වූ බව පවසා ඇති ජනාධිපතිවරයා, දැන් ඉන්න තානාපතිවරු යුරෝපයට වී කරන්නේ මධුසමය ගතකිරීම බව දැඩිව පවසා තිබේ.
කොල්ලෝ කුරුට්ටෝ සමග ලෝකයවටා සවාරිගියාට තමාට ගැටලූවක් නැතැයි පීරිස් මහතාට පවසා ඇති ජනාධිපතිවරයා, මේ වනවිට විදේශ අමාත්‍යාංශයේ සතපහක වැඩක් සිදු නොවන බවටද චෝදනා කොට වහාම ප‍්‍රංශ තානාපති කාර්්‍යාලයට ගොස් එල්.ටී.ටී.ඊ මුද්දර සම්බන්ධයෙන් ශ‍්‍රී ලංකා රජයේ විරෝධය පළකරන්නැයි නියෝග කර තිබේ.
මහාචාර්ය ජී.එල් පීරිස් මහතා ප‍්‍රංශ තානාපති කාර්්‍යාලට ගොස් එල්.ටී.ටී.ඊ මුද්දර සම්බන්ධයෙන් ශ‍්‍රී ලංකා රජයේ කනස්සල්ල පළකොට ඇත්තේ ඉන් අනතුරුවය.
කෙසේ වුවද මේ වනවිට ප‍්‍රංශයේ දෙමළ ඩයස්පෝරාවට හිතවත් පිරිස් එරට තැපැල් සේවය හරහා මුද්දර 11ක් ප‍්‍රකාශයට පත්කොට ඇති අතර කැනඩාවද එක් මුද්දරයක් ප‍්‍රකාශයට පත්කොට ඇත.
