ජනාධිපතිවරයාට මේ දිනවල බලවත් අපල උපද්‍රව පවතින බවට අවධාරනය කර ඇති ජනාධිපති ජෝතිෂ්‍ය උපදේශකයින් ඒ වෙනුවෙන් ආගමික වතාවත් හා පුදපූජා සිදුකරන ලෙස ජනාධිපතිවරයාට දැනුම්දී තිබේ. මෙම අපල උපද්‍රව දුරුකිරීම සඳහා විශේෂ දේවපූජාවක් ජනාධිපතිවරයා විසින් ඉන්දියාවේදී සිදුකළ යුතු බවට එම ජෝතිෂ්‍ය උපදේශකයින් දැනුම්දී ඇතත් ජනාධිපතිවරයාට හදිසියේම ඉන්දියාවට යා නොහැකි බැවින් ඔහු වෙනුවෙන් එම පූජාව සිදුකිරීම මර්වින් අමාත්‍යවරයාට පවරා තිබේ.
ජනාධිපතිවරයා වෙනුවෙන් කෙරෙන විශේෂ පූජාවට අමතරව ඔහු වෙනුවෙන්ද විශේෂ පූජාවක් සිදුකිරීමට මර්වින් අමාත්‍යවරයා දැනටමත් කටයුතු සූදානම් කර ඇත. ඇමතිවරයා සමග මෙම ඉන්දීය සංචාරය සඳහා ජනාධිපතිවරයාට හිතවත් ජෝතිෂ්‍යවේදීන් කිහිප දෙනෙකුද පිටත්ව යාමට නියමිත අතර ඔවුන් දින කිහිපයක් ඉන්දියාවේ ගතකරනු ඇත.
මෙම ඉන්දීය පූජාව වෙනුවෙන් මර්වින් සිල්වා අමාත්‍යවරයා දින ගණනාවක් තිස්සේ මස්මාංශයෙන් හා මත්පැන් පානයෙන් තොරව පේවී සිටින බවද අරලිය ගහ මන්දිර ආරංචි මාර්ග සඳහන් කරයි.
Source - lankanewsweb.com
